Daxue

Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.

O Daxue (chinés tradicional: 大學; chinés simplificado: 大学; pinyin: Dàxué; Wade-Giles: Ta⁴-hsüeh²; lit. "A grande aprendizaxe") é un dos chamados Catro Libros (sishu 四書) do confucianismo, atribuído a un dos discípulos do propio Confucio, Zengzi.^[1] O Daxue procede dun capítulo do Liji 禮記 ou Libro dos ritos, que formaba parte dos Cinco Clásicos (wujing 五經). Está composto por un texto principal moi breve, que recolle as ensinanzas de Confucio rexistradas por Zengzi, e mais dez capítulos de comentarios supostamente escritos por este último. Os ideais da obra atribúenselle a Confucio, mais o texto foi redactado por Zengzi tras o seu pasamento.

Os chamados Catro Libros foron escolmados polo filósofo neoconfuciano Zhu Xi (1130-1200) durante a dinastía Song, como unha introdución aos principios do confucianismo. Os exames imperiais recollerían estas obras como parte esencial do seu currículo.

1. ↑ Wang 2007.